رویداد خبري آژانس په افغانستان کې لومړنۍ دیجټلي خبري آژانس
د افغنستان د بشري حقونو خپلواک کمېسیون د یوې اعلامیې په خپرولو سره ویلي چې د ژوند حق، له جسمي، روحي او رواني پلوه د هېوادوالو امنیت د بشر بنسټیز حقونه دي او حکومتونه د نړیوالو ژمنلیکونو پر بنسټ مسوول دي چې د خپلو هېوادوالو د امنيت ټينګولو لپاره، له هغو جرمي او د ټولنيز نظم ګډوډونکو سره قانوني چلن وکړي چې د خلکو ژوند، امنيت او هوساينه له خطر سره مخامخ کوي.
د بشري حقونو کمېسیون د هېواد په پلازمینه کابل او یو شمېر نورو ښارونو کې د جرمي پدیدو او جنایي جرمونو پر زیاتېدو ژوره خواشیني څرګنده کړې او له امنیتي بنسټونو څخه یې غوښتنه کړې ده چې له مجرمینو سره باید جدي قانوني چلن وکړي او په دې توګه د هېوادوالو د سر او مال خوندیتوب تضمین کړي.
