رویداد خبري آژانس په افغانستان کې لومړنۍ دیجټلي خبري آژانس
د افغانستان د بشري حقونو خپلواک کمیسیون د جګړې پر ښکېلو لورو د بېړني اوربند غږ کړی دی.
د دغه کمیسیون مشرې شهرزاد اکبر په تازه څرګندونو کې ویلي چې په هېواد کې بې وزلي او نا امني ډېره شوې ده او ډېری حقوقي او مدني فعالین او خبریالان له هېواد په تېښته دي.
د نوموړې په خبره طالبانو او حکومت ته په کار ده چې ژر تر ژره اوربند وکړي او په دې توګه دې په هېواد کې د وېرې او وحشت خپره شوې تیاره لرې کړي.
د شهرزاد اکبر په خبره تر ډېره هغه څېرې په هېواد کې له ګواښونو سره مخ دي، چې د عدالت، جګړې ضد، سولې او امنیت لپاره یې مبارزه کړې ده.
شهرزاد اکبر هیله ښودلې چې ژر تر ژره دواړه لوري د پیاوړي او سوله ییز افغانستان د جوړولو لپاره اوربند وکړي.
