رویداد خبري آژانس په افغانستان کې لومړنۍ دیجټلي خبري آژانس
برېتانیا وایي خپلو افغان همکارانو او ددوی د کورنۍ غړو ته د وېزې ورکولو بهیر چټکوي.
برېتانوي حکومت ویلي د خپلو ځواکونو له ایستلو سره هممهاله کوښښ کوي د هغو افغانانو د خوندیتوب لپاره هم هڅه وکړي چې په تېر شل کلن ماموریت کې ددوی همکاران پاتې شوي دي.
د سرچینې په خبره په دې ډله کې درې زره کسان شته چې برېتانیا به دوی ته د وېزې ورکولو بهیر چټکوي او هڅه کېږي چې د بهرنیو ځواکونو د وتلو تر نېټې دوی برېتانیا ته ولېږدوي.
د برېتانیا ددفاع وزیر ویلي دوی د خپلو همکارانو د امنیت تامین ته ژمن دي او د دوی د خوندیتوب لپاره یوازینۍ لار دا ده چې د وېزې د ورکړې بهیر چټک شي.
