رویداد خبري آژانس په افغانستان کې لومړنۍ دیجټلي خبري آژانس
باختر خبري اژانس د بدخشان ولایت د اطلاعاتو او کلتور رییس له قوله خبر ورکړی، چې د دغه ولایت په یاوان ولسوالۍ کې امو سیند ته د یو موټر لوېدو پېښه کې ۶ تنه مړه شوي او ۴ نور ټپیان دي.
د خبر له مخې ټپیان د درملنې په موخه د شهر بزرګ ولسوالۍ روغتون ته لیږدول شوي چې ډاکټرانو یې روغتیایي وضعیت د ډاډ وړ بللی دی.
ویل کیږي چې یاده پېښه د موټر چلوونکي د ګړندي تګ او بې احتیاطۍ له امله رامنځته شوې ده.
له دې څه موده وړاندې هم په دغه ولایت په ورته بله ټرافیکي پېښه کې هم ګڼ شمیر کسانو ته مرګ ژوبله اوښتې وه.
