رویداد خبري آژانس په افغانستان کې لومړنۍ دیجټلي خبري آژانس
د بدخشان ولايت د طبيعي پېښو پر وړاندې د مبارزې رييس محمد کارمګار رسنيو ته ويلي، چې د دغه ولايت د مرکز فيض اباد ښار د نهمې ناحيې په “مورچک” کلي کې د سېلاب له امله د يوې کورنۍ لس غړي مړه شوي دي.
د هغه په وينا، له دې طبيعي پېښې وروسته د فيض اباد ښار په ۷ سیمو کې د خلکو کورونه ويجاړ شوي دي.
محمد کارمګار زياته کړه، چې په يمګان، کشم، وردوج او شهدا ولسواليو کې د تېرې شپې سېلابونو ډېر مالي او ځاني زيانونه اړولي دي.
تر اوسه د دغو سېلابونو له امله د اوښتو تلفاتو او زیانونو کره شمېره په لاس کې نشته.
په بدخشان کې د تېرو دريو ورځو سېلابونو د يو شمېر ولسواليو مواصلاتي لارې تړلې او ډېر ځاني او مالي زيانونه يې اړولي دي.
