رویداد خبري آژانس په افغانستان کې لومړنۍ دیجټلي خبري آژانس
د ا.ا مشر د یوه فرمان په صادرولو سره د ملکي او نظامي کارکوونکو له معاشونو څخه د تقاعد ګرځول بند کړي دي.
دا فرمان د هیبت الله اخندزاده لخوا مالیې وزارت ته صادر شوی او پکې ویل شوي چې د ملکي او نظامي کارکوونکو له معاشونو څخه د تقاعد ګرځول باید په ۱۴۰۳ مالي کال کې ودرول شي.
په دغه فرمان کې د مالیې وزارت ته امر شوی چې د کارکوونکو د ګمارنې د نېټې، د خدمت موده او د تقاعد د اندازې په اړه معلومات ورکړي.
په افغانستان کې د ا.ا. له واکمنېدو راهیسې د متقاعدینو د پیسو د ورکړې بهیر له ځنډ او خنډ سره مخ شوی دی.
د یادونې وړ ده چې په افغانستان کې د ملکي او نظامي کارکوونکو د تقاعد عمر ۶۵ کاله ټاکل شوی او د تقاعد د ورکړې اندازه د دوی د خدمت د وخت په اساس ټاکل کېږي.
