رویداد خبري آژانس په افغانستان کې لومړنۍ دیجټلي خبري آژانس
د ا.ا د ریاستالوزرا اقتصادي مرستیال دفتر وايي، په افغانستان کې د ۲۱ لویو کانونو د اکتشاف، استخراج او پروسس په برخو کې ۴۱۵ میلیارده افغانۍ پانګونه شوې ده.
دې ادارې په اېکس پاڼه لیکلي چې پر کانونو معیاري پانګونه د «نظام لومړیتوب» دی.
په اعلامیه کې ویل شوي چې په دغو کانونو کې د سرو زرو، اوسپنې، ډبرو سکرو، کرومیت، سمنټ، سرپ شامل دي چې په هرات، کابل، کندهار، غور، تخار، بغلان او پروان ولایتونو موقعیت لري.
د ا.ا اقتصادي مرستیال په وینا چې د لومړنیو څېړنو له مخې، افغانستان درې تریلیون ډالره طبیعي زېرمې لري.
د دغو کانونو د پانګونې او د کانونو د قرارداد په اړه نور جزئیات نه دي ورکړل شوي.
تر دې مخکې د ا.ا ریاستالوزرا د اقتصادي مرستیال دفتر په هېواد کې د ۲۱ کانونو د اکتشاف او استخراج د پیل اعلان کړی و.
د ویلو ده چې په وروستیو میاشتو کې د افغانستان د کانونو په سکتور کې پانګونې ته د بهرنیو پانګوالو په ځانګړې توګه د چین، ایران او ازبکستان پام را اوښتی دی.
