رویداد خبري آژانس په افغانستان کې لومړنۍ دیجټلي خبري آژانس
د امریکا فډرالي پولیسو یا اېف بي ای اعلان کړی چې د دې ادارې پټو اجنټانو د فلوریډا په وسټ پالم بیچ کې د ګلف په میدان کې د ډونالډ ټرمپ د وژنې هڅه ناکامه کړې ده.
د راپورونو له مخې، د پټو خدماتو څو اجنټانو د ګلف میدان ته نږدې پروسله وال کس ډزې وکړې. دا سړی د ټرمپ د لوبې له ډګر څخه څو سوه متره لرې لیدل شوی و.
د افسرانو له ډزو وروسته، شکمن یو کلاشینکوف اې کې-۴۷ برید ټوپک او نور توکي د پېښې په ځای کې پرېښودل او په موټر کې یې د تښتېدلو هڅه وکړه خو بیا ونیول شو.
د امریکا په ټاکنو کې د جمهوري غوښتونکو ګوند د پخواني ولسمشر او نوماند ټرمپ د وژنې هڅه یوازې دوه میاشتې وروسته له هغه وشوه چې په پنسلوانیا کې د کمپاین په یوه غونډه کې پرې ډزې وشوې او ښی غوږ یې لږ ټپي شو.
اېف بي ای ویلي چې د امریکا د پخواني ولسمشر د “وژنې د هڅې” له زاویې یې خپلې پلټنې پیل کړې دي.
