رویداد خبري آژانس په افغانستان کې لومړنۍ دیجټلي خبري آژانس
پاکستاني پوځیانو ویلي چې له ایران سره د دې هیواد پولې ته نږدې د وسله والو کسانو په برید کې د دغه هیواد څلور سرتیري چې په ګزمه بوخت وو، وژل شوي دي.
پاکستانیو رسنیو د پاکستان د پوځ په حواله خبر ورکړی چې دا برید د بلوچستان د کیچ سیمه کې شوی دی.
د پاکستان پوځ د یوې اعلامیې په خپرولو سره ویلي دي یوه ډله وسله والو د پاکستان او ایران په ګډه پوله کې د ایران له خوا څخه د پاکستان د امنیتي ځواکونو پر ګزمې برید کړی دی.
سرچینې زیاته کړې، دا برید په داسې حال کې شوی چې ځواکونه یې په سیمه کې د ګزمې په حال کې وو. ایراني چارواکو هم تر اوسه په دې اړه غبرګون نه دی ښودلی. تر اوسه هیڅ ډلې د دې برید مسولیت پر غاړه نه دی اخیستی.
