رویداد خبري آژانس په افغانستان کې لومړنۍ دیجټلي خبري آژانس
تهران په پام کې لري چې څو میلیونونه «بېاسنادو» افغان کډوال په ډلهییزه توګه له خپلې خاورې وباسي.
د ایران د کورنیو چارو وزیر ویلي چې د کډوالو دا ډلهییزه ایستنه به د ۱۴۰۳ کال تر پایه بشپړه شي.
د کډوال نیوز د راپور له مخې، چې د ایران د کورنیو چارو وزیر دا طرحه په وروستیو ورځو کې جوړه کړې ده.
دغه ایراني چارواکي دولتي اژانس «صدا و سیما» ته ویلي، “غیرقانوني کډوال نه یوازې ټولنیزې ستونزې پېښوي، بلکې د ځایي خلکو دندې هم ترې نیسي.”
د کډوالو په چارو کې د ملګرو ملتونو د عالي کمېشنرۍ د اټکل له مخې، اوسمهال په ایران کې شاوخوا څلور نیم میلیونه افغان کډوال مېشت دي، خو ایراني رسنۍ دا شمېره تر دې ډېره ګڼي.
د دغو رسنیو د راپورونو له مخې، اته میلیونه افغانان په ایران کې ژوند کوي او له څلورو میلیونو ډېر یې د اوسېدو قانوني اسناد نه لري. ویل کیږي چې د ایران حکومت اراده لري چې د دې هجري لمریز کال تر پایه د ایستلو دا پروګرام بشپړ کړي.
