رویداد خبري آژانس په افغانستان کې لومړنۍ دیجټلي خبري آژانس
د ایراني پولیسو عمومي قومندان، احمدرضا رادان ویلي، چې ناقانونه کډوال په یاد هېواد کې د دندې او ژوند کولو اجازه نه لري او هغوی ته د دندې او اوسېدلو ځای ورکول جرم بلل کېږي.
د راپورونو له مخې، نوموړي (شنبې، د تلې ۱۵مه) په یوه ټلویزوني خپرونه کې ویلي چې د روان کال په لړ کې د دوه میلیون کډوالو ایستلو ته ژمن دی. د ایران ډېری برخه کډوال افغانان دي.
رادان ویلي چې د یران پولیسو د روان کال په لړ کې څه باندې ۵۰۰زره کسان نیولي او ایستلي دي، د هغه په خبره څه باندې ۲۵۰ زره نورو کسانو هم خپل ځانونه را وپېزندل او وایستل شول.
ښاغلي رضا زیاته کړې چې له ایران څخه په ټوله کې ۷۵۰ زره کډوال ایستل شوي او پاتې کسان به هم وایستل شي.
