رویداد خبري آژانس په افغانستان کې لومړنۍ دیجټلي خبري آژانس
په ايران کې يو شمېر مرسته رسوونکي بنسټونه وايي، له هغه وروسته چې طالبانو په افغانستان کې واک نيولی، نږدې يو ميليون افغان وګړي دې هېواد ته کډوال شوي دي.
د يادو بنسټونو د مالوماتو له مخې، موندنو ښودلې چې په ورځڼۍ توګه ۵زره تنه افغانان له پولې د ايران خوا ته ور تېرېږي او د کار کولو په موخه دې هېواد کې پاتې کېږي.
په همدې حال کې نيويارک ټايمز هم د يوه راپور په خپرولو سره ويلي، چې تازه له افغانستان څخه د کډوالۍ يوه پراخه لړۍ پيل شوې ده. د ورځپاڼې د راپور له مخې، ياد افغان کډوال له طالباانو څخه د ځان خونديتوب په موخه ايران ته ځي او ايران ورته د نورو هېوادونو په پرتله يو اسان غوراوی دی.
