رویداد خبري آژانس په افغانستان کې لومړنۍ دیجټلي خبري آژانس
د اوکرایین پوځي چارواکي وایي د یکشنبې سهار وختي یې د دغه هېواد د پلازمېنې کیېف فضا کې شاوخوا شل روسي ډرونونه ویشتلي او په دې توګه یې نسبتآ یو ستر برید شنډ کړی دی.
دوی ویلي چې په دغه برید کې ایراني “شاهد” ډرونونه کارول شوي وو.
اوکراییني چارواکي زیاتوي چې د دغو ډرونونو پاتې شوني بېلابېلو سیمو کې راغورځېدلي، خو د مرګژوبلې راپور نه دی ورکړ شوی.
رپوټونو کې راغلي چې کیېف کې د لږترلږه لسو چاودنو غږونه اورېدل شوي او ترڅنګ یې د خبرداری زنګ هم کړنګول شوی چې ځايي اوسېدونکي سرونه پناه کړي.
دغه ډرونونه د کیېف مرکز ته په نږدې سیمو کې ویشتل شوي.
د اوکرایین پر پلازمېنه پخوا هم ورته بریدونه ډېر شوي.
خو د دغه ښار د هوايي دفاع سیستم د روسیې د ډرونونو او راکټي بریدونو په شنډولو کې اغېزناک ثابت شوی دی.
