رویداد خبري آژانس په افغانستان کې لومړنۍ دیجټلي خبري آژانس
د خوړو او درملو ملي اداره وايي، اوس مهال شاوخوا ۱۵ قلمه درمل په هېواد کې د افغاني کمپنیو له لوري تولیدېږي.
په دې وروستیو کې سرپرست حکومت کابینې د خوړو او درملو ملي ادارې ته دنده سپارلې چې هېواد ته د غیر معیاري، بې کیفیته او قاچاقي درملو د راوړلو مخنیوي په موخه یوه ځانګړې طرحه جوړه او ریاست الوزرا ته یې وړاندې کړي.
د خوړو او درملو ملي اداره وايي، که څه هم د سرپرست حکومت له واکمنۍ له پيل راهیسې د هېواد بازارونو ته د درملو د ناقانونه راواردولو مخنیوی شوی، خو اوس هڅه کوي چې د درملو په برخه کې د کورنیو تولیداتو دکچې لوړولو سره مرسته وکړي.
د خوړو او درملو د ملي ادارې د معلوماتو له مخې دا مهال شاوخوا ۱۵ قلمه هغه درمل چې د کورنیو شرکتونو لخوا تولید او بازار ته وړاندې کېږي له هېواده بهر د ورته درملو پر وارداتو کلک بندیز لګول شوی دی.
