رویداد خبري آژانس په افغانستان کې لومړنۍ دیجټلي خبري آژانس
د امریکا متحدو ایالاتونو یو ځل بیا له افغان حکومت سره د همکارۍ او تېرو لاس ته راوړنو د ساتلو ژمنه کړې ده.
په کابل کې د امریکا د سفارت شارژدافیر راس ویلسن پرون د یکشنبې په ورځ (د چنګاښ ۲۰مه نېټه) د بهرنیو چارو له وزیر حنیف اتمر سره د لیدنې پر مهال ویلي چې دوی د افغان حکومت تر څنګ ولاړ دي او خپلې اړیکې به لا پیاوړې کوي.
د راس ویلسن په وینا اجازه نه ورکوي چې تېرې شل کلنې لاس ته راوړنې له خطر سره مخ شي.
حنیف اتمر بیا ویلي چې افغانان سولې ته اړتیا لري او امریکا ته په کار ده چې په دې برخه کې خپلې همکارۍ ډېرې کړي.
دده په وینا امریکا باید د افغان سولې په اړه د سیمه ییزې اجماع د پیاوړتیا لپاره لا ډېره هڅه وکړي او نړیوال دې ته تیار کړي چې په افغانستان کې له دایمي سولې سره رښتینې همکاري وکړي
