رویداد خبري آژانس په افغانستان کې لومړنۍ دیجټلي خبري آژانس
د داعش ډلې د هغه غړي چې د کابل د ۲۰۲۱ کال کې د هوايي ډګر مخې ته په ځانمرګي برید کې رول درلود (چهارشنبې، د کب۱۵مه) د متحدو ایالتونو په ویرجینیا ایالت کې یې لومړنۍ محکمه دایره شوه.
د متحدو ایالتونو د عدلیې وزارت ویلي، چې شریف الله د کابل د برید ترڅنګ د ۲۰۲۴ کال د مارچ په میاشت کې د مسکو او په ځینو نورو ترهګریزو بریدونو کې یې هم خپل لاس لرل تایید کړي دي.
نوموړي ویلي چې هغه ته دنده سپارل شوې وه، چې تر برید مخکې د کابل سړکونه وګوري او بیا یې د تیلیفون له لارې داعش ډلې ته معلومات ورکړي وو چې بیا بریدګر راغی او برید یې وکړ.
دا ځانمرګی برید د ۲۰۲۱ کال د اګست په ۲۶ نېټه له افغانستان څخه د امریکايي ځواکونو د تخلیې د ماموریت پر مهال د کابل د هوایي ډګر مخې ته وشو، په برید کې ۱۳ امریکايي سرتېري ووژل شول او د ټرمپ په وینا لږ ترلږه ۴۲نور امریکایان ټپیان شوي و، سربېره پردې شاوخوا ۱۷۰ افغانان هم وژل شوي وو.
