رویداد خبري آژانس په افغانستان کې لومړنۍ دیجټلي خبري آژانس
متحده ایالاتو جمعه (د تلې ۲۰مه) په عربي متحده اماراتو د توغندیو څو سیسټیمونو لپاره د مهماتو د پلورلو منظوریدو اعلان کړی چې ټول ۱.۲ میلیارده ډالر ارزښت لري.
د دفاعي امنیتي همکارۍ ادارې په اعلامیې کې ویل شوي چې په دې معامله کې به په عربي متحده اماراتو د GMLRS توغندي او ATACMS مزائیل وپلورل شي.
د معلوماتو له مخې، په دې وسلو به د یو مهم سیمهییز شریک د امنیتي چارو په بهتر کولو او د متحده ایالاتو له بهرنۍ پالیسۍ سره به مرسته وکړي.
د امریکا د دې ادارې په اعلامیې کې همدارنګه ویل شوي، چې د دې وسلو په پلور سره به متحده عربي امارات خپل وسلهوال پوځ عصري کړای شي.
د متحده ایالاتو د بهرنیو چارو وزارت په عربي متحده اماراتو کې د دې وسلو پلور منظور کړی او د دفاعي امنیتي همکارۍ ادارې پرون کانګرس ته استولی دی.
امریکا په داسې حال کې په اماراتو د دې وسلو پلور منظوروي چې په منځني ختیځ کې اسراییل په دوو جبهو کې په فعالې شخړې بوخت دي.
#امریکاغږ
