رویداد خبري آژانس په افغانستان کې لومړنۍ دیجټلي خبري آژانس
د امریکا ولسمشر ډونالډ ټرمپ فرمان ورکړ چې په څو اونیو کې به له افغانستان څخه ۲۰۰۰ او له عراق څخه ۵۰۰ امریکايي عسکر وباسي.
د امریکا هېواد د دفاع وزارت سرپرست کرسټوفر میلر رسنیو ته وویل تر جنورۍ میاشتې پورې به په افغانستان کې د امریکايي سرتیرو شمېر ۲۵۰۰ تنو ته کښته شي.
د راپورونو له مخې په افغانستان کې ۴۵۰۰ امریکايي عسکر موجود دي چې د دوي د ماموریت عمده برخه افغان پوځیانو ته مشورې او رورنې ورکول دي.
د امریکا د دفاع سرپرست وزیر زیاته کړه په افغانستان کې د عسکرو کمول په دې معنی نه دی چې مونږه به د ترویزم پر ضد جګړه نه کوو، نوموړی وايي له ترورویزم سره مبارزه به دوام لري.
دا په داسې حال کې ده چې د امریکا متحده ایالاتو د دفاع وزارت سرپرست په دې اړه د کانګرس په شمول له څو تنو کلیدي مشرانو، د ناټو سرمنشي او افغان ولسمشر محمد اشرف غني سره د سې شنبې ورځې په سهار خبرې کړي دي.
