رویداد خبري آژانس په افغانستان کې لومړنۍ دیجټلي خبري آژانس
د امریکا د ملي امنیت مشاور تایید کړې ده چې د حماس لوړپوړی چارواکی، مروان عیسی د اسراییلو په برید کې وژل شوی دی.
د سپینې ماڼۍ د ملي امنیت مشاور جیک سالیوان دوشنبې د کب۲۸مه خبریالانو ته ویلي: “د حماس درېیم کس مروان عیسی، تېره اوونۍ له اسراییلو سره په جګړه کې ووژل شو.”
له دې وړاندې اسراییلي رسنیو ویلي چې مروان عیسی یوه اوونۍ مخکې د غزې په پلازمینه کې د ځمکې لاندې په تونلونو باندې د اسراییلو لخوا په هوایي برید کې وژل شوی دی.
مروان عیسی د حماس دویم نمبر نظامي قومندان و.
حماس د غزې د کنټرولوونکي په حیث په رسمي توګه د هغه د وژنې په اړه لا څه نه دي ویلي.
