رویداد خبري آژانس په افغانستان کې لومړنۍ دیجټلي خبري آژانس
روېټرز خبري اژانس راپور ورکړی چې په امريکا د جراحۍ ډاکټرانو يوه ۷۵ کلن سړي ته د ژوندي پاتې کېدو په موخه د خوګ زړه د پيوندولو تاريخي عمليات کړي دي.
په راپور کې ويل شوي چې دا عمليات په برياليتوب ترسره شوي او ياد کس هم بېرته خپل عادي او نورمال ژوند پيل کړی دی. تر اوسه ډاکټرانو دا نه جوته کړې چې ياد کس به د پيوند شوي زړه په وسيله تر کومې مودې ژوند وکړي؟
روېټرز زياته کړې چې د يادو عملياتو لپاره د جراحانو له لوري ژورې څېړنې شوې او هغه خوګ چې زړه يې د پيوندولو لپاره ياد ۷۵ کلن سړي ته کارول شوی، له جنټيکي پلوه اصلاح شوی و.
د مريلېنډ پوهنتون په دې اړه پرون دوشنبه د (مرغومي په ۲۰مه) ويلي، چې ياد جراحي عمليات د تېرې جمعې په ورځ ترسره شوي دي.
