رویداد خبري آژانس په افغانستان کې لومړنۍ دیجټلي خبري آژانس
د امريکا په متده ايالاتو کې مېرمنې د محکمې هغه پرېکړه ناسمه بولي چې ګواکي د ميندوارۍ پرمهال يې په خپله خوښه سقط ناقانونه عمل ګرځولی دی.
د ټېکساس محکمې د پرېکړې له مخې، په دې ايالت کې ميرمنې نه شي کولی چې له ميندوارۍ ۶ اوونۍ وروسته ماشوم سقط کړي. خو دې پرېکړې د امريکا په ګڼو ايالتونو کې د ښځو غبرګونونه پارولي دي.
ميرمنې چې د اعتراض په موخه واټونه ته را وتلي وايي، سقط حق بايد په هر وخت کې ميرمنو ته خوندي وي؛ ځکه د دوی په خبره دا د مېرمنو پر رضايت پورې تړلې مسئله ده او هېڅکله به د دې پلوي ونه کړي چې دا چاره پر يوه قانوني امر بدله شي.
د راپورونو له مخې، د امريکا په متحده ايالاتو کې هغه ميرمنې چې په لومړيو کې پر خپله ميندوارۍ پوه شي، له نيمايي ډېرې هغه يې دې ته زړه ښه کوي چې ماشوم سقط کړي.
تر اوسه حکومت د مېرمنو دې اعتراضونو ته په ځواب کې څه نه دي ويلي.
