رویداد خبري آژانس په افغانستان کې لومړنۍ دیجټلي خبري آژانس
د تاجکستان په پلازمېنه دوشنبې ښار کې د امريکا سفارت اعلان کړی، چې پر شرايطو برابر افغانان کولی شي امريکا ته د تګ لپاره غير مهاجرتي ويزې په تاجکستان کې ترلاسه کړي.
دې سفارت په يوه بيان کې زياته کړې، چې د افغان وګړو ترڅنګ د روسيې، ازبکستان، ايران او ځينو نورو هېوادونو وګړي هم د امريکا ويزې د ترلاسه کولو په موخه په دوشنبې کې د امريکا سفارت ته مراجعه وکړي.
په بيان کې راغلي، چې د ويزو د صادرولو دغه خدمتونو د روانې نومبر په لومړۍ نېټه پيل شوي او ټاکل شوې چې دغه خدمتونه به په ډيسمبر، جنوري او فيبروري په مياشتو کې به هم دوام وکړي.
په افغانستان کې د جمهوري نظام له سقوط وروسته امريکا په کابل کې خپل سفارت وتړه او د افغانستان په برخه کې خپلې چارې د قطر له دوحې مخته وړي.
