رویداد خبري آژانس په افغانستان کې لومړنۍ دیجټلي خبري آژانس
د امريکا متحده ايالاتو داسې مقرره ترتيب کړې چې له مخې يې افراد او هغه شرکتونه چې د پيسو د لېږدولو مسووليت لري کولی شي، چې افغانستان ته پيسي ولېږدوي.
دغه مقرره د امريکا د خزانې وزارت له لوري د (لېندۍ په ۱۹مه) خپره شوې ده. د دې مقررې له مخې افرادو او د پيسو د لېږد شرکتونو ته د حوالې کولو کولو اجازه ورکړل شوې ده.
د مقررې پر بنسټ، که په حوالې کې د اشخاصو د نوم ذکر کولو لپاره اړتيا شي چې د حقاني شبکې مهمو غړيو يادونه چې د امريکا په تور لېسټ کې دي وشي، هم اجازه ورکړل شوې خو مشروط پر دې چې ياده معامله به شخصي وي نه سوداګريزه.
د يادې مقررې د خپرولو پرمهال د امريکا خزانې وزارت يوه وياند پرون د (لېندۍ په ۲۰مه) ويلي، په افغانستان کې موجوده اقتصادي وضعيت پر طالبانو د امريکا د بنديزونو له امله نه دی رامنځته شوی او په خبره يې دغه نوې مقرره کولی شي چې د ياد وضعيت په حلولو کې مرسته وکړي.
