رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ ملي لوبډلې د زمبابوې کرکټ ملي لوبډلې ته په درېیمه او وروستۍ یو ورځنۍ لوبه کې د ۸ ویکټو په توپيرماتې ورکړه او دغه لوبلړۍ یې په خپل نوم کړه.
افغان لوبډلې د دې لوبې پچه وګټله او لومړی یې زمبابوې ته د توپ وهنې بلنه ورکړه.
زمبابوې لوبډلې د ټولو لوبغاړو په زیان سره په ۳۰ اورونو کې افغان لوبډلې ته د ۱۲۸ منډو هدف وټاکه.
د افغانستان لپاره په توپ اچونه کې الله محمد غضنفر او راشد خان ارمان تر نورو ښه وځلیدل، غضنفر د سیالې لوبډلې ۵ او راشد خان ارمان ۳ لوبغاړي وسوځول.
د لوبې په دومهمه پاڼۍ کې افغان لوبډلېتوپ وهنه پیل کړه چې، د صدیق اتل ۵۲، عبدالمالک ۲۹، حشمت الله شهیدي ۲۰ او رحمت شاه ۱۷ منډو سره یې وکولای شول یاد هدف پوره او زمبابوې ته ماتې ورکړي.
د افغانستان او زمبابوې کرکټ ملي لوبډلو تر یو ورځنیو سیالیو ورمخکې د درېیو شل اوریزو سیالیو لوبلړۍ هم درلوده چې افغانستان ۲-۱ ګټلې وه.
د یادونې وړ ده چې د افغانستان او زمبابوې ملي لوبډلې تر دغو یو ورځنیو سیالیو وروسته دوه ټېسټ لوبې هم کوي، چې لومړۍ د روانې ډسمبر میاشتې له شپږویشتمې تر دېرشمې او بله د جنورۍ له دویمې تر شپږمې کېږي.
