رویداد خبري آژانس په افغانستان کې لومړنۍ دیجټلي خبري آژانس
پاکستاني سناتور اعظم سواتي، چې د عمران خان په مشرۍ د تحريک انصاف ګوند مهم غړی او د پاکستان په مخکيني حکومت کې مرکزي وزير هم و وايي، چې د پاکستان پوځ او استخباراتو له ده او ميرمنې يې پټه وېډيو کړې ده.
د رسنيو د راپور له مخې، دا وېډيو په کووټه کې داسې مهال شوې، چې سواتی او ميرمن يې دغلته په سفر وو او په وېډيو کې ښکاري چې دواړه د شپې پرمهال په کوټه کې دننه دي.
اعظم سواتي پرون شنبه خبري کنفرانس ته د خبرو پرمهال خپل احساسات کابو نشول کړای او په چيغو يې وژړل. هغه د پاکستان پر پوځ او استخباراتي ادارې تور پورې کړ، چې له نوموړي يې دغه پټه وېډيو کړې او څو ورځې وړاندې يې د هغه ميرمنې ته لېږلې ده.
سواتي د خپلو خبرو پر دوام پاکستاني پوځيانو ته په دريشۍ کې دننه د «ځناورو» خطاب کړی او ويلي يې دي، چې د خلکو د خولې بندولو په موخه يې هر ممکنه کار ته لاس اچولی دی.
نوموړي زياته کړې، چې د پاکستان پوځ او استخباراتو له لوري د يادې وېډيو له را ايستلو وروسته، ځان وژنې ته اماده شوی؛ خو زياتوي چې خپلې مبارزې ته به دوام ورکوي.
د اعظم سواتي او ميرمنې يې اړوند دې وېډيو خپرېدو په پاکستان کې د سياسونو ترمنځ سخت غبرګونونه پارولي. د پاکستان تحريک انصاف ګوند مشر او مخکيني لومړي وزير عمران خان د دې هېواد له قاضيالقضات غوښتې، چې دا مسئله په خپله جدي تعقيب کړي.
تر اوسه د پاکستان پوځ او استخباراتو د اعظم سواتي د ادعاوو په اړه څه دي ويلی.
