رویداد خبري آژانس په افغانستان کې لومړنۍ دیجټلي خبري آژانس
اسراییلو ویلي، په غزې کې د حماس سره د جګړې بندېدو په موخه یې د متحده ایالاتو د لنډمهاله اوربند پلان منلی چې له مخې به یې یو شمېر اسراییلي برمته شوي کسان خوشې شي او د ځینو مړي به ورته وسپارل شي.
د اسراییلو د صدراعظم دفترنن (یکشنبې، د کب ۱۲مه) په یوې اعلامیې کې ویلي چې د متحده ایالاتو د لنډ مهالي اوربند دا پلان یې منلی دی.
د نتنیاهو دفتر ویلي چې ددې موافقې له مخې د اوربند په لومړۍ ورځ به د حماس ډله نیمایي برمته شوي، مړه یا ژوندي خوشې کوي او پاتې برمته شوي کسان به په غزې کې د اسراییلو او حماس تر منځ د دایمي اوربند څخه وروسته خوشې شي.
بلخوا د متحده ایالاتو ځانګړي استازي سټېف ویټکوف ویلي چې موقتي اوربند اړین و، ځکه چې په همدې مودې کې به په دایمي اوربند باندې د خبرو کولو لپاره شرایط برابر شي.
د ویلو ده چې د اوبند دا لنډمهاله پلان اسراییلو په داسې حال کې منلی چې د لومړي اوربند موده پای ته ورسیده.
