رویداد خبري آژانس په افغانستان کې لومړنۍ دیجټلي خبري آژانس
شاوخوا ۶۰ رسنیو او د بشري حقونو سازمانونو اسراییل د غزې په جګړه کې د خبریالانو په ډلهییزه وژنه تورن کړي دي.
د بې پولې خبریالانو سازمان او ۵۹ نورو سازمانونو په همدې خاطر نن (دوشنبې، د وږي ۵مه) له اروپايي ټولنې غوښتي چې له اسراییلو سره د همکارۍ تړون وځنډوي او پر دغه هېواد بندیزونه ولګوي.
ویل کېږي چې له اسراییلو سره د اروپايي ټولنې د نههمکارۍ غوښتنه به په بروکسل کې د اروپايي ټولنې د غړو هېوادونو د بهرنیو چارو د وزیرانو د غونډې په څنډه کې راپورته شي.
دغو بنسټونو په یوه بیان کې ویلي چې د اکټوبر له اوومې راهیسې په غزه کې د جګړې له پیل راهیسې ۱۳۰ فلسطیني خبریالان او د رسنیو کارکوونکي د اسراییلي ځواکونو له خوا وژل شوي دي.
