رویداد خبري آژانس په افغانستان کې لومړنۍ دیجټلي خبري آژانس
د اسراییلو حکومت پرون ( یکشنبې، د کب ۱۲مه) غزې ته د بشري مرستو د داخلیدو مخه نیولې او خبرداری یې ورکړی که چېرې حماس د اوربند له نوي وړاندیز سره موافقه ونه کړي نور اقدامات به هم وکړي.
د اسراییلو د لومړي وزیر بنیامن نتنیاهو دفتر وايي، حماس تر اوسه پورې د ډونالډ ټرمپ استازي سټېف ویټکاف له لوري په موقت ډول د اوربند غځولو وړاندیز له منلو انکار کړی دی.
بلخوا د حماس یوه ویاند بیا د مرستو لارې تړل یوه ”بازاري باج اخیستنه” او د اوربند هوکړې پر ضد یوه دسیسه بللې او غوښتنه یې کړې چې منځګړې هېودادونه باید په دې موضوع کې مداخله وکړي.
دا په داسې حال کې ده چې ترواسه د حماس او اسراییلو ترمنځ د اوربند منځګړو امریکا متحده ایالاتونو، مصر او قطر په دې اړه څه نه دي ویلي.
