رویداد خبري آژانس په افغانستان کې لومړنۍ دیجټلي خبري آژانس
د اسراییلو پوځ په یوه خبرپاڼه کې ویلي چې پر الشفأ روغتون برید کې نږدې ۱۷۰ فلسطینیان وژل شوي او له ۸۰۰ تنو ډېر نیول شوي چې پلټنې ترې پیل شوې دي.
په خبرپاڼه کې د اسراییلي پوځ د ویاند په حواله ویل شوي چې دوی په دې برید کې توغندي او درنې وسلې کارولې او ۲۴ ساعتونو کې یې ۳۵ بریدونه کړي دي.
بلخوا د فلسطین روغتیا وزارت اعلان کړی چې د اسراییلو په بریدونو کې ۱۰۴ فلسطینیان وژل شوي او ۱۶۲ تنه ټپيان شوي دي.
د وروستیو شمېرو له مخې، د تېرې د اکټوبر میاشتې راهیسې تر دې دمه په غزه کې ۳۱ زره ۹۲۳ کسان وژل شوي دي.
