رویداد خبري آژانس په افغانستان کې لومړنۍ دیجټلي خبري آژانس
د ازبکستان ولسمشر شوکت میرضایف په دې هېواد کې د ولسمشرۍ له وخته مخکې انتخابات اعلان کړي.
دا اعلان وروسته له هغه کېږي چې د ازبکستان په اساسي قانون کې د اپرېل په دېرشمه د یوې ټولپوښتنې په ترڅ کې بدلون راغی.
د دې بدلون له مخې د ولسمشر د واکمنۍ دوره له پنځو کلونو اوو کلونو ته لوړه شوې.
د نویو انتخاباتو نېټه تراوسه نهده اعلان شوې، خو د ازبکستان د قوانینو له مخې انتخابات د ښاغلي میرضیایف له ننني اعلان وروسته په دوو میاشتو کې دننه باید ترسره شي.
میرضیایف د دې اعلان پرمهال وویل چې دی، د خپلې ولسمشرۍ د اوسنې دورې له پاتې درې نیم کالو څخه په خپله خوښه لاس اخلي.
