رویداد خبري آژانس په افغانستان کې لومړنۍ دیجټلي خبري آژانس
د اروپا د پولیسو (یورو پل) د یوې ارزونې په پایلو کې د پلان شویو انټرنټي جرمونو لکه، سایبري بریدونه، درغلي او په ماشومانو باندې جنسي تېري په ځانکړې توګه د اورپایي ځوانانو په منځ کې خبر ورکړی دی.
د تاگس شاو ورځپاڼې د راپور له مخې سایبري بریدونه، درغلي او په ماشومانو باندې جنسي تېري په انټرنټ کې د پلان شویو جرمونو له جملې څخه دي چې په اروپایي ټولنه کې دې زیاتوالي په حال کې دي او مجرمان د دې کار دې ترسره کولو لپاره له وروستیو فناوریو څخه ګټه اخلي.
د دې راپور پر بنسټ سایبري بریدونه، په ماشومانو باندې جنسي تېري او مالي درغلي په اروپایي ټولنه کې ګواښونکي انټرنيټي جرمونه دي.
په لاهه کې د اروپا د پولیسو (یورو پل) د تحلیل له مخې هره ورځ د اروپایي ټولنې میلیونونه وګړي د انلاین پلان شویو جرمونو قرباني کېږي.
د اروپا پولیسو په انلاین توګه پرماشومانو د جنسي تېري زیاتوالی د اندېښنې وړ بللی او په اروپا کې له نشه یي توکو سره اړوند د پلان شویو جرمونو له خطر څخه یې خبرداری ورکړی دی.
په لاهه کې د اورپا پولیسو د څېړنې پر بنسټ په اورپا کې ۸۲۱جدي جنایي شبکې فعالې دي په دې وروستیو کې یوروپل خبرداری ورکړی چې دا ډلې د څه باندې ۲۵زره غړو په لرلو سره ډېر حرفه ای دي او د دوی اصلي سوداګري نشهيي توکي دي.
