رویداد خبري آژانس په افغانستان کې لومړنۍ دیجټلي خبري آژانس
د افغانستان دفاعي چارواکي نن پینج شنبه ( ۲۲ د لړم) خبر ورکړ چې د ارزګان ولایت په ترینکوټ والسوالۍ کې يي د وسلوالو طالبانو ۱۲ تنه وژلي دي.
د دفاع وزارت څخه په خپره شوې خبرپاڼه کې راغلي چې د ۲۰۵ اتل قول اردو د څلورمی پلی لیوا ځواکونو د ارزګان ولايت په ترینکوت ولسوالۍ کې عملیات تر سره کړي چې په پایله کې يي د وسله والو طالبانو ۱۲ تنه وژلي او ۸ تنه نور یې ټپیان کړي دي.
په اعلامیه کې دا هم ویل شوي چې د طالبانو درې پټنځایونه له منځه وړل شوي دي.
وسلوالو طالبانو د یادې پیښې په تړاو څه نه دي ویلي.
