رویداد خبري آژانس په افغانستان کې لومړنۍ دیجټلي خبري آژانس
د بهرني رسنیو د راپورونو له مخې د اذربایجان ولسمشر الهام علی اف ډېر شمېر زندانیان وبخښل اوخوشې کړل چې پکې سیاسي بندیان هم ول.
د رسنیو په حواله د خوشې شویو بندیانو شمېر ۶۲۵ تنو ته رسیږي چې په خوشې شویو کې د حکومت مخالف سیاسي ګوند غړي هم دي.
راپورونه وايي په خوشې شویو کې هغه ۳۰ تنه هم دي چې په ۲۰۱۵ م کال کې له پولیسو سره په نښته کې بندیان شوي و.
همدا راز د ۱۰۰ نورو زندانیانو د بند موده نیمایي ته ټیټه شوې او ۳ تنه چې په عمري بند محکوم ول، د بند موده یې ۲۵ کالو ته ښکته شوه.
