رویداد خبري آژانس په افغانستان کې لومړنۍ دیجټلي خبري آژانس
د افغانستان د بهرنیو چارو وزیر حنیف اتمر په خپلو تازه څرګندونو کې ویلي وسله والو طالبانو له امریکا سره ژمنه کړې وه، چې له ترهګرو ډلو سره به اړیکه نه پالي او تر څنګ به یې تاوتریخوالی کموي.
د اتمر په وینا وسله والو طالبانو نه یوازې دا چې د القاعده په ګډون له ترهګرو ډلو سره اړیکه نه ده پرې کړې، بلکې ددغه ډلې کوربه توب کوي او عملا د جګړو په کرښو کې له دوی سره حضور لري.
د اتمر په خبره طالبانو د تاوتریخوالي د کمولو په تړاو هم پر خپلو ژمنو عمل نه دی کړی او نه یوازې دا چې جګړې یې کمې کړې نه دي بلکې شدت یې پکې راوستی او د سولې خبرې یې په ټپه درولې دي.
اتمر پر نړیواله ټولنه غږ کړی چې د طالبانو پر کړنو چوپ پاتې نه شي او ددغه ډلې پر وړاندې خپل اقدامات ترسره کړي.
