رویداد خبري آژانس په افغانستان کې لومړنۍ دیجټلي خبري آژانس
د هند غوره لیګ سیالیو په دوام لسمه لوبه د بنګلور او کلکته نایټ رایډرز ترمنځ ترسره شوه.
بنګلور په شل اورونو کې د ۴ لوبغاړو په سوځېدو سره د ګلېن مکسوېل د ۷۸ منډو او د اې بي ډیویلیرس د ۷۶ ناسوځېدلو منډو په مرسته ۲۰۴ منډې وکړې.
د کلکتې لوبډلې د ۸ وېکټو په نقصان سره د ۱۶۶ منډې وکړې او لوبه ترې رایل چلېنجرز بنګلور په ۳۸ منډو وګټله.
د لوبې غوره لوبغاړی اې بي ډیویلیرس وپېژندل شو، هغه په ۳۶ توپونو ۷۶ ناسوځېدلې منډې وکړې.
دویمه لوبه
د یکشنبې ورځې دویمه لوبه د پنجاب او ډیلي ترمنځ ترسره شوه، ډیلي د ۴ لوبغاړو په سوځېدو سره د کی اېل راهول د ۶۱ منډو او د میانک اګروال د ۶۹ منډو په مرسته ۱۹۵ منډې وکړې.
د ډیلي لوبډلې په ۱۸ اعشاریه دوه اورونو کې د ۴ لوبغاړو په سوځېدو سره د شېکر دوان د ۹۲ منډو په مرسته هدف پوره کړ او پنجاب ته یې په ۶ وېکټو ماته ورکړه.
د لوبې غوره لوبغاړی شېکردوان وپېژندل شو، هغه په ۴۹ توپونو د ۱۳ څلوریزو او دوه شپږیزو په ملتیا ۹۲ منډې وکړې.
د دوشنبې په ورځ چینای سوپر کېنګز د راجستان پر وړاندې ۱۲ مه لوبه کې مخ ده.
