رویداد خبري آژانس په افغانستان کې لومړنۍ دیجټلي خبري آژانس
د هندوستان غوره لیګ یا ای پي ایل په ۳۵ مه سیالۍ کې ګجرات ټایټانز د ممبي اینډینز لوبډلې ته په ۵۵ منډو ماتې ورکړه.
ګجرات لوبډلې د ۲۰۸ منډو هدف ټاکلی و، چې په کې شبمن ګیل ۵۶، ډیویډ میلر ۴۶ او منوهر ۴۲ منډې وکړې او ممبي یې په ځواب کې ۱۵۲ منډې وکړې.
په دې سیالۍ کې چې د سې شنبې په ماښام ترسره شوه، دوه افغان لوبغاړو راشدخان او نوراحمد هم د ګجرات په بریا کې مهم رول ولوباوه او ۵ لوبغاړي یې وسوځول.
راشدخان چې په دې لوبه کې ۲ وېکټې ترلاسه کړې، په روانو سیالیو کې یې د وېکټو مجموعه ۱۴ ته لوړه شوه او تر ټولو توپ اچونکو مخکې شو.
بل افغان لوبغاړي نوراحمد بیا په دې لوبه کې ۳ ویکټې واخیستې او کامرون ګرین، سوریا کمار او ټیم ډیویډ یې وسوځول، چې د ممبۍ انډینز لوبډلې ورباندې زیات حساب کاوه.
د ویلو ده چې د ای پي ایل لیګ ۳۶مه سیالي به د چهارشنبې په ورځ د رایل چیلینجرز بنګلور او کلکته نایټ رایډرز ترمنځ ترسره شي.
