رویداد خبري آژانس په افغانستان کې لومړنۍ دیجټلي خبري آژانس
چین یو ځل بیا په افغانستان کې د سولې له روانې پروسې او ترهګرۍ ضد مبارزې ملاتړ کړی دی.
د ولسمشرۍ ماڼۍ پرون د جمعې په ورځ ( دچنګاښ ۲۵مه نېټه) په خپره شوې اعلامیه کې راغلي چې ولسمشرغني د چين له ولسمشر شي جین پینګ سره تلیفوني خبرې کړي دي.
د چین ولسمشر په دې تلیفوني مکالمه کې ویلي چې هېواد یې په ټوله مانا د افغانستان تر څنګ ولاړ دی او ددغه هېواد په سوله او امنیت کې به خپلو همکاریو ته ادامه ورکوي.
د شي جین پینګ په خبره چین د ترهګرۍ ضد مبارزه کې د افغانانو ملاتړ کوي او له افغانستان سره د اړیکو د پراختیا او پیاوړتیا لپاره هڅه کوي.
هغه همدا راز له ولسمشر غني سره ژمنه کړې چې د کرونا یو میلیون دوزه نور واکسین به هم افغانستان ته لېږي.
ولسمشر غني هم په دې تلیفوني مکالمه کې د سولې له پروسې سره د چین همکاري اړینه بللې ده او هغه یې د افغانستان ښه ګاونډی هېواد بللی دی.
