رویداد خبري آژانس په افغانستان کې لومړنۍ دیجټلي خبري آژانس
یوولس نور افغان اتباع د پاکستان د کراچۍ له زندانونو ازاد او هېواد ته لېږدول شوي دي.
په کراچۍ کې د ا.ا قونسل جنرال سید عبدالجبار تخاري وايي، په خوشي شویو افغانانو کې یوه ښځه او اووه ماشومان هم شامل دي.
د هغه په وينا، دغه افغانان په کراچۍ کې د افغانستان د قونسلګرۍ په همکارۍ د چمن – سپين بولدک له لارې افغانستان ته لېږدول شوي دي.
تخاري زیاتوي چې اوس ۳۵ نور افغانان په سند ایالت کې بندیان دي او د خوشي کولو هڅې یې روانې دي.
په کراچۍ کې د افغانستان د قونسلګرۍ د معلوماتو له مخې د سند له زندانونو د ښځو او ماشومانو په ګډون ۴ زره ۲۵۸ افغانان خوشي شوي دي.
