رویداد خبري آژانس په افغانستان کې لومړنۍ دیجټلي خبري آژانس
د هوايي چلند ادارې او سپینې ماڼۍ چارواکو رسنیو ته ویلي چې یوه کورنۍ مسافر وړونکې الوتکه د رونالډ ریګن واشنګټن هوایي ډګر ته نږدې له یوې نظامي چورلکې سره ټکر شوې او د پوټامیک سیند ته غورځېدلې ده.
د امریکن ایرلاینز شرکت تایید کړه چې په مسافر وړونکې الوتکه کې ۶۰ مسافر او څلور د عملې غړي سپاره وو. د امریکا پوځ دا هم ویلي چې په پوځي چورلکه کې درې سرتیري سپاره وو.
چارواکو ویلي چې د ژغورنې ډله د پېښې ځای ته رسیدلی او له هوایي ډګر ټولې الوتنې ځنډول شوي دي.
د ویلو ده چې د امریکن شرکت دا مسافر وړونکې الوتکه د ښکته کېدو پرمهال په هوا کې د بلک هاک هلیکوپتر سره ټکر شوې ده.
