رویداد خبري آژانس په افغانستان کې لومړنۍ دیجټلي خبري آژانس
د سولې نوبل جایزې پښتنه ګټونکې ملاله یوسفزۍ وايي، داسې هېڅ اټکل یې نه کاوه چې د افغانستان ټولې نجونې به له زدکړو راګرځول کېږي او دې برخه کې به ټول هغه پرمختګونه له منځه ځي چې تېرو کلونو کې تر لاسه شوي وو.
اغلې ملالې دغه څرګندونې په نایجیریا کې د خپلې ۲۶مې کلیزې د لمانځې پر مهال د نجونو یوې غونډې ته کولې.
اوس څه نا څه ۶۷۰ ورځې کېږي چې په افغانستان کې د طالبانو حکومت له شپږم پورته ټولې نجونې له زده کړو ایسارې کړې دي. دارنګه شاوخوا اته میاشتې وشوې چې نجونې او ښځې هم پوهنتونونو ته نه پرېږدي.
د طالبانو حکومت دا بندیزونو “لنډمهالي” بولي.
