رویداد خبري آژانس په افغانستان کې لومړنۍ دیجټلي خبري آژانس
په تورخم ښارګوټې کې مسؤولینو پرېکړه کړې چې تر دې وروسته به ۱۴ سوه بار وړونکي موټرې دواړه لورې تګ راتګ وکړي .
چارواکي وایي،په تورخم ښارګوټې کې افغان او پاکستاني لورې سوداګرو ته د سهولتونو برابریدو په موخه د ناستې پر مهال پرېکړه وکړه چې تر دې وروسته به ۲۴ ساعتونو کې ۱۴ سوه بار وړونکې موټرې د کمیسارۍ د پلان له مخې دواړه لورې تګ راتګ کوي او ګمرک مسؤلین به ورته پخپلو برخو کې سهولتونه برابر کړي.
د دې ولایت د ګمرک رئیس نصرالله صاحبزاده وایي،د پاکستاني لورې سره یې سوداګرو ته د سهولتونو برابریدو په موخه ناسته وکړه چې په ترڅ کې پرېکړه کړې،تر دې وروسته به دواړو لورو د کمیسارۍ مسؤلین پلان جوړوي او د وروستیو اجراتو په موخه به یې د ګمرک مسؤلینو ته سپاري،ترڅو هر څلرویشت ساعتونو کې ۱۴ سوه بار وړونکې موټرې دواړه لورې تګ راتګ وکړي.
هغه زیاته کړه، د دې ناستې پر مهال ورسره پرېکړه وشوه چې د پاکستان د کراچۍ په بندر کې دمالونو فزیکي چک له پنځه سلنه څخه زیات نه ترسره کیږي او د مالونو سکین به هم شل سلنه وي چې په دې کې به هم کموالی راځي .
نوموړی وایي،د دې پرېکړو له مخې به د پاکستان اړوند لارې په اوږدو کې ټول غېرې قانوني ترمینلونه تړل کیږي،د جمرود سکینر او تورخم ښارګوټې له کتنې وروسته به له ځنډ وروسته د فرضي کرښې دواړه غاړو ته موټرې له ځنډ پرته تګ راتګ وکړي.
د ګمرک رئیس وایي،د دې ناستې پر مهال دواړو لورو پرېکړه وکړه چې د ترانزیټي لاریو لپاره ځآنګړی سړک جوړ شي،ترڅو صادراتي توکو بار وړونکي موټرې پرې تګ راتګ وکړي.
د صاحبزاده په وینا هغه موټر چلوونکي چې د روډ پاس ستونزه لري،دواړه لورو لخوا به ورته مؤقت تمدید شي او اوږد مهاله ستونزې حل په موخه به مسؤلین اساسي کار وکړي .
