رویداد خبري آژانس په افغانستان کې لومړنۍ دیجټلي خبري آژانس
په لوګر ولایت کې پر یوه کور د هاوان مرمۍ لګېدو له امله درې کسان وژل شوي او شپږ نور ټپیان دي.
ځایي اوسیدونکي وایي، چې پرون ماښام د لوګر برکي برک ولسوالۍ اړوند لغټک سیمه کې د ملکی خلکو پر یوه کور د هاوان مرمۍ لګېدلې، چې په نتیجه کې یې د ښځو او ماشومانو په ګډون درې کسان وژل شوي او شپږ نور ټپیان شوي.
د لوګر د امنیه قوماندانۍ ویاند وایي د هاوان دا مرمۍ د طالبانو له خوا توغول شوې ده.
خو ځایي خلک وایي پرته له دې چې کومه جګړه وشي دغه هاوان مرمۍ د ملي اردو سرتیرو له خوا توغول شوې ده.
