رویداد خبري آژانس په افغانستان کې لومړنۍ دیجټلي خبري آژانس
د افغانستان او انګليستان له ۱۹کلنو کمعمره ملي لوبډلې پرون سېشنبه ناوخته د (سلواغې په ۱۲مه) د نړيوال جام په نيمه پايلوبه کې سره مخ شوې.
انګليستان لوبډلې د لوبې پچې په ګټلو سره د توپ وهنې پرېکړه وکړه او په ټاکل شويو ۴۷ اوورونو کې يې افغان لوبډلې ته د ۲۳۱ منډو هدف کېښود.
د افغانستان د توپ اچوونکو له ډلې نويد ځدراڼ او نور احمد دوې-دوې او دغه راز ننګيالي خروټي او اظهارالحق بيا يوه-يوه وېکټ ترلاسه کړه.
د انګليستان لوبډلې لپاره جورج بېل تر نورو ډېرې ۵۶، الېکس هارټن ۵۳، او جورج تامس بيا ۵۰ مندې جوړې کړې.
د لوبې په دويمه پاڼۍ کې افغان لوبډله بيا د ۲۱۵ منډو پر جوړولو وتوانېده. الله نور ۶۰، محمد اسحاق ۴۳، عبدالهادي۳۷، بلال احمد ۳۳ او نور احمد ۲۵ منډې وکړې.
افغان لوبډله د نړيوال جام د تېرو لوبو په ترڅ کې له سريلانکا څخه د سختې لوبې په ګټولو سره، د نړيوال جام نيمه پايلوبې ته وتلې وه.
