رویداد خبري آژانس په افغانستان کې لومړنۍ دیجټلي خبري آژانس
د پلخمري له خواجه الوان ښار څخه د کابل تر ارغندي سیمې پورې د ۵۰۰ کیلو ولټ برېښنا د لین کار پيل شوی دی.
د اوبو او انرژۍ ورازت په اېکس پاڼه لیکلي چې د دې پروژې چارې د یو خصوصي شرکت په پانګونه د یاد وزارت تر څارنې لاندې ترسره کېږي.
دغه وزارت ویلي چې د دې پروژې له بشپړېدو وروسته به له ترکمنستان څخه افغانستان ته زر مېګاواټه برېښنا وارده شي.
د اوبو او انرژۍ وزارت مسوولینو همداراز ویلي چې له ترکمنستان څخه د ډېرې برېښنا په واردولو سره به د کابل او ۱۲ نورو ولایتونو د د برېښنا ستونزې حل شي او په سلکونو کسانو ته به د کار زمینه برابر شي.
د ویلو ده چې له ترکمنستان څخه د ۵۰۰کیلو ولټ برېښنا د تمدید پروژه په ۲۰۱۶ کال کې د اسیایي پرمختګ بانک په مالي ملاتړ پيل شوه، خو د ۲۰۲۱ د اګېست له تحولاتو وروسته یې کار وځنډول شو.
