رویداد خبري آژانس په افغانستان کې لومړنۍ دیجټلي خبري آژانس
د پاکستان بهرنيو چارو وزير شاه محمود قرېشي وايي، چې نن پنجشنبه د (کب په ۱۹مه) يې د ملګرو ملتونو د بشري حقونو د عالي کمېشنرۍ له مشرې ميشل باشلې سره د افغانستان او پاکستان بشري وضعيت په اړه خبرې کړي دي.
نوموړي په دې اړه خپل ټوېټر کې ويلي، له نوموړې سره د ليدنې پرمهال يې له افغانستان سره له قيد او شرط پرته د مرستو پر کولو ټينګار کړی.
د قرېشي په خبره، په افغانستان کې اوسني بشري وضعيت ته په کتو د بشري مرستو د زياتوالي اړتيا ترڅنګ، دا هم اړينه چې امريکا د افغانستان کنګل کړې شتمني هم ازاده کړي.
له دې سره د ملګرو ملتونو د بشري حقونو برخې عالي کميشنرۍ مشرې ميشل باشلې ويلي، چې په پاکستان دې په کور دننه د بشري حقونو د خونديتوب په برخه کې خپل ظرفيت لوړ کړي.
نوموړي ډاډ څرګند کړی چې په افغانستان کې به هم د بشري حقونو د تحقق په موخه، د ملګرو ملتونو سازمان په استازولۍ هغه څه چې اړين دي، ترسره به يې کړي.
