رویداد خبري آژانس په افغانستان کې لومړنۍ دیجټلي خبري آژانس
د ملي پخلاينې عالي شورا مشر عبدالله عبدالله نن سهار د سيمهييزې اجماع د پياوړي کولو په هدف د ايران په رسمي بلنه د دغه هېواد پلازمېنې تهران ته لاړ.
ټاکل شوې عبدالله د دې سفر په جريان کې د ايران له ولسمشر، د بهرنيو چارو وزير، د اسلامي مجلس له رئیس، د ملي امنيت شورا له سلاکار، د نيرو وزير او يو شمېر نورو چارواکو سره وګوري.
د ملي پخلاينې عالي شورا مشر به له ايراني مشرانو سره د افغانستان د سولې بهير، دوحې خبرو، د اجماع پر اړتیا او په افغانستان کې د سولې له هڅو د سيمې هېوادونو پر ملاتړ بحث او خبرې وکړي.
عبدالله تر دې وړاندې ايران او هند ته هم ورته سفرونه لرل او د دغه هېوادونو له چارواکو سره يې هم د افغانستان د سولې پروسې او سيمهييزې اجماع د پياوړي کولو په تړاو خبرې کړې وې.
