رویداد خبري آژانس په افغانستان کې لومړنۍ دیجټلي خبري آژانس
د پخوانۍ د ولسي جرګې غړې مرسل نبي زاده نن په کابل په ډزو ووژل شوه.
د کابل امنیه قوماندانۍ ویاند خالد ځدراڼ رسنیو ته په یوه استول شوي پیغام کې دغه پېښه تایید کړې ده.
د کابل امنیه قوماندانۍ ویاند وايي، نبي زاده د کابل په دولسمه ناحیه (ارزان قیمت) کې د یکشنبې په ورځ په خپل کور کې د ناپېژانده وسله والو برید کې وژل شوې ده.
ځدراڼ وویل، په پېښه کې د نبي زاده یو ساتونکی هم وژل شوی او ورور یې ټپي دی.
تراوسه کومې ډلې د دې برید مسوولیت نه دی منلی.
