رویداد خبري آژانس په افغانستان کې لومړنۍ دیجټلي خبري آژانس
د اندونيزيايي کډوالو يوه کښتي پرون چهارشنبه ناوخته د (لېندۍ په ۲۴مه) د ماليزيا په سواحلو کې اوبو ډوبه کړې، چې په ترڅ کې يې ګڼ کسان مړه شوي دي.
په دې اړه خپرو شويو راپورونو کې ويل شوي، د کډوالو په ياده کيښتۍ کې ټولټال ۵۰تنه سپاره ول چې له ډوبېدو وروسته د سپرو له ډلې ۱۴تنه ژوندي ژغورل شوي، ۱۰ تنه مړه موندل شوي او ۲۵تنه نور لا هم په اوبو کې نادرکه دي.
ماليزيايي چارواکو ويلي چې د نادرکه کسانو د بيا موندلو په موخه يې هڅې پيل کړې دي، خو تر اوسه يې اضافي کوم څوک نه دي موندلي.
چارواکو دغه راز دا هم ويلي چې په کښتۍ کې د ګڼو کسانو سپرېدل او له دې کبله د کښتۍ درندوالی د دې سبب شوی چې په اوبو کې ډوبه شي.
