رویداد خبري آژانس په افغانستان کې لومړنۍ دیجټلي خبري آژانس
د عوامي نیشنل ګوند ایالتي مشر ایمل ولي خان ویلي چې په افغانستان کې د پاکستاني وسله والو موجودیت په اړه د پاکستاني دولت ادعا د پاکستان د هغې پالیسي برخه ده چې د خپل ځان د سپیناوي لپاره یې تعقیبوي.
ولي خان د خپلو خبرو پر دوام زیاته کړې چې د افغانستان په اړه د پاکستان زهرجنې پالیسي د ډیورنډ کرښې دواړو غاړو ته د نسلونو ژوند برباد کړی دی.
خان څرګنده کړې چې دوی د پاکستان په خبرو نه غولېږي، دوی سپینه خبره کوي او هغه دا ده چې په افغانستان کې هیڅ کورنۍ جګړه نه شته، څه چې روان دي هغه د پاکستان مداخله ده.
ایمل ولي خان دا څرګندونې وروسته تر هغه کوي چې پاکستان په دې وروستیو کې ویلي چې د تحریک طالبان پاکستان هسته په افغانستان کې ده او له هغه ځایه د پاکستان ضد کړنې ترسره کوي.
