رویداد خبري آژانس په افغانستان کې لومړنۍ دیجټلي خبري آژانس
د اسلامي امارت چارواکي خبر ورکوي چې پرون شبنه د ( سلواغې په ۲مه) د بهرنيو چارو سرپرست وزير اميرخان متقي په مشرۍ پلاوی د ناروې په غونډه کې د ګډون په موخه دې هېواد ته رسېدلی دی.
له ياد سفر څخه څو شيبې وړاندې اميرخان متقي ويلي، په دې ناسته کې به پر يو شمېر عربي او اروپايي هېوادونو سربېره د امريکا له استازو سره هم د دوه اړخيزه اړيکو بحث او خبرې وکړي.
نوموړي زياته کړې چې په دې درې ورځنۍ غونډه کې به ډېر تمرکز پر سياسي او اقتصادي مسايلو او دغه راز د بشري مرستو د جلبولو په موخه د يادو هېوادونو له استازو سره خبرې وشي.
متقي په ورته وخت کې اروپا ته دغه لومړنی سفر مهم بللی او زياته کړې يې ده، چې دغه سفر به له هېوادونو سره د تعامل په برخه کې له لاسته راوړنو ډک وي. نوموړي ويلي چې دامهال د نړۍ يو شمېر هېوادونه له افغانستان سره د اړيکو لرلو ته لېوال دي او په دې برخه کې د اسلامي امارت له لوري ترسره شوې هڅې هم مثبتې دي.
